Þarfagreining fyrir vef
Þegar kemur að vefverkefnum er okkar tilfinning sú að meta þarf hvert og eitt verkefni út frá hvar þörfin liggur. Verkefnin geta því verið eins fjölbreytt og þau eru mörg.
Að baki hverju verkefni getur verið mikil vinna, bæði við að greina gögn og framkvæma notendarannsóknir (UX research). Það er þessi vinna sem skiptir gríðarlega miklu máli og er grunnurinn að notendavænum vef.
Við upphaf verkefnis eigum við alltaf gott samtal við þann sem er í forsvari fyrir vefmál í sínu fyrirtæki/stofnun. Þannig náum við nokkurn veginn að átta okkur á hvað það er sem viðkomandi er að óska eftir.
Hefðbundin þarfagreining felur í sér eftirfarandi þætti:
- Viðtöl, bæði við starfsmenn og notendur
- Vinnustofa þar sem markhópar eru greindir og lykilatriði vefsins gerð skil
- Samkeppnisgreining eða samanburðargreining
- Sérfræðimat
- Flokkunaræfing (Card sorting)
- Netkönnun
- Notendaprófanir
- Notendaferill (Journey mapping)
- Uppsetning á veftré
- Skissugerð (Wireframe)
- Kröfulýsing
Í framhaldinu er eftirfylgni sinnt þar sem stanslausar ítranir eru gerðar við smíði á nýjum vef í samstarfi við hönnuði og forritara. Oft eru prófanir gerðar á prótótýpum á þessu tímabili sé um stærri vefi að ræða.
Ferlið í heild getur tekið frá nokkrum mánuðum upp í rúmlega ár eftir umfangi verkefnisins.